資料及私隱
由 iGears Technology Limited 營運。以下說明資料點樣使用、保存，以及邊啲人可以存取。
資料存放喺邊度？
- 標準雲端服務：目前未喺公開頁面列明部署地區。請喺上載個人資料前，向 [email protected] 確認實際地區及處理安排。
- 香港專用部署：可另行安排喺香港數據中心部署；以書面方案列明嘅儲存位置、備份及 AI 處理範圍為準，唔會因為選用標準雲端服務而自動獲得。
- 客戶指定環境：資料存放位置由雙方確認嘅部署方案決定。儲存位置同 AI 處理位置可能不同；請喺開通前確認所選選項。
會處理咩資料？
網站內容及經你批准嘅文件會用嚟準備搜尋及回答。對話、你自願提供嘅聯絡資料，以及已授權操作所需嘅資料，會用作回答、真人跟進及服務診斷。對話同私人會員資料唔會自動加入網站知識索引。請勿提供密碼、付款卡資料或唔需要嘅敏感資料。
保存幾耐？
- 開啟訪客私隱模式嘅匿名網頁對話：售前對話內容喺最後一則訪客訊息後 7 日刪除；真人個案內容喺結案後 30 日刪除。未結案真人個案會保留以便跟進。
- 會員對話及電郵個案：目前冇套用上述匿名訪客自動刪除期限，會保留至獲授權刪除或按已確認嘅保留安排處理。其他訊息渠道有獨立政策。
- 知識準備上載：成功處理後刪除原始暫存檔，保留抽取文字、搜尋資料及來源資料；處理失敗嘅上載需要管理員處理。客戶下載連結指向你批准嘅自有網站或文件。
- 匿名聊天授權只保存在當前頁面記憶體：閒置 5 分鐘或最長 60 分鐘失效；結束對話會撤銷授權。恢復查詢用一次性電郵驗證碼，唔會授予會員權限。
- 診斷、服務用量及必要審計資料可能按各自用途保留。備份按管理程序到期清理；刪除唔代表即時抹除所有備份副本。
邊啲人可以存取？
你授權嘅工作區成員按其權限存取資料。iGears 獲授權嘅平台營運及支援人員，可為支援、維修及安全調查存取必要嘅租戶資料。以租戶身分進入工作區嘅操作會記錄喺審計日誌；唔係所有員工都自動有權存取。
香港個人資料處理
我哋按已說明嘅目的收集及使用所需資料，維持適當存取控制，並處理資料查閱、更正及刪除要求。你應確保有權提供訪客及客戶資料，向相關人士說明用途，並避免收集超出需要嘅資料。更改用途或另作推廣需有合適嘅通知及同意，唔會因為提出查詢而自動訂閱推廣郵件。
查阅、更正、刪除或私隱查詢：[email protected]。我哋可能需要核實身份及你對該工作區嘅權限。必要法律或未完成服務責任可能影響刪除範圍，會向你說明。
AskCore 常見問題
開始前，你可能想知
直接了解來源、答案出處、轉真人、安裝、寄存同 iGears 導入方式。
AskCore 點樣了解我嘅業務？
揀選俾客戶使用嘅網頁同文件，AskCore 會整理內容用嚟回答問題。由你決定每個來源可以喺邊啲網站使用，之後亦可以更新或者移除。
答案入面嘅連結會帶客戶去邊？
連結會帶客戶去你已批准網站上嘅原有網頁同文件。上載文件時，請一併提供文件喺你網站上嘅公開連結。未有合適連結嘅文件，要先放到你網站，先可以用嚟回答客戶。
上載之後，文件會點處理？
上載文件係用嚟準備答案嘅暫存副本。成功處理後，暫存檔案會移除。AskCore 會保留回答問題所需嘅文字同資料；俾客戶下載嘅原檔繼續放喺你自己嘅網站。
一個帳戶可以用喺幾個網站嗎？
可以。你可以為每個網站揀選可用內容。各網站嘅內容預設分開，只有你特意設定，先會分享指定來源。分享只限自己帳戶內嘅網站，唔會一併分享客戶對話或帳戶存取權限。
答唔到點算？
如果你提供嘅內容未有答案，AskCore 會按你設定嘅規則轉交真人。實際跟進渠道同流程會喺設定時確認。
可唔可以加到現有網站？
可以。AskCore 可透過網站對話框加入現有網站；實際安裝方式視乎網站平台同存取安排。選用 iGears 30 日導入時，安裝對話框包括喺項目範圍內。
同內部知識庫有咩分別？
AskCore 只處理對外客戶查詢，資料來源係公開網站同你揀選作答客用途嘅文件。同事查詢內部文件屬另一個 iGears 私有化 AI on GenCMS 方案，唔係 AskCore。
資料放喺邊？
標準選項使用雲端，亦可經 iGears 選用香港數據中心。實際安排視乎所選方案同項目要求；個人資料處理詳情請參閱私隱政策。
支援中文嗎？
支援。你可以使用中文客戶內容同中文來源文件；設定時應確認所需語言，令對話框文字同來源配合你嘅客戶。
同 iGears AI MVP 30 日點配合？
AskCore 可作為 iGears「AI MVP 30 日」入面嘅「網站客服機械人」套餐。iGears 會協助整理內容、安裝對話框、設定轉真人規則同培訓；通知經 MarketHK。項目固定價，範圍及費用由報價單列明。